بالصور تقرير رحلة بورتو سخنة - porto sokhna

* العـيــن السـخـنة *

(بورتو سخنة)

- تجربتى مع العين السخنة وبالاخص بورتو سخنة -  

- اشرح حكايتى مع بورتو سخنة عشان الكل يستفيد ويعرف كل حاجة عن بورتو سخنة 

 انطلقنا فى تمام الساعة 11 صباحاً من القاهرة  متجهين الى

 مدينة السحر والجمال العين السخنة  كان الطريق أكثر من رائع نظرا لطبيعتة الجبلية 

 من اليمين والجهة المقابلة البحر الازرق الخلاب ووصلنا الساعة 2 ونصف...

• طريق العين السخنة 

- طريق العين السخنة من اجمل الطرق فى مصر عشان متسفلت ومظبوط فى كل حاجة

السرعة القصوى المسموح بها 120 كيلو متر بحد أقصى ويوجد ردار يراقب السرعة

عشان كدة ياريت منفتحش اووى وكمان فى لجان على الطريق تراقب سرعتك

والمخالفة فورى !.

الطريق كلة جميل المشكلة كلها اخر 30 كيلو من بورتو سخنة الطريق هنا صعب

 شوية لانة بيضيق بيكون رايح جاى وبدون فواصل فياريت نتحرك

 هنا بسرعة قليلة عشان سلامتك بس عشان كدة لازم هنا نهدى اللعب شويتين.

ازاى تروح بقى العين السخنة ؟؟

 بص يا سيدى 

لو انت من بورسعيد او اسماعيلية او السويس هتاخد طريق السويس الغردقة وهتلاقيها بعد 70كيلو تقريبا
لكن لو انت من سكان القاهرة والاقاليم المحيطة بها فطريق الوصول ليها عن طريق - القطامية العين السخنة - ودة اولة من على الدائرى الشرقى بعد كارفور المعادى ب 2 كيلو وانت رايح على القاهرة الجديدة
لكن لو انت جاى من الناحية التانية من الدائرى الغربى (اسكندرية زراعى - الخصوص - السلام - اسماعيلة زراعى ..الخ الخ الخ) فبعد ما تعدى من تحت نفق السلام بحوالى 25 كيلو تقريبا هتلاقى اليفط الارشادية اللى على الطريق بتدلك على مكان النزلة يمين وتاخد الصينية وتخش من تحت الدائرى .

 نظام الحجز فى بورتو سخنة  

عشان تحجز فى بورتو سخنة قدامك طريقتين 

1 -  الحجز عن طريق مواقع الانترنت مثل موقع Booking.com وغيرها من 
المواقع الشهيرة

2 الحجز عن طريق الهوت لاين لبورتو سخنة porto sokhna hotline وتليفون

بورتو السخنة هو 19156وهنا بتتصل وتحجز

عادى جدا وتختار اليوم اللى يناسبك والاسعار تختلف باختلاف المواسم يعنى لو عاوز سعر حلو ابعد عن الصيف والمواسم غير كدة الاسعار بتكون معقولة جدا 

وهنتفرج مع بعض على شوية صور للطريق

ودة كمان مقطع فيديو للطريق

وأخيرا وصلنا العين السخنة 

 اختار الفندق ولا الشقة الفندقية 

منتجع بورتو سخنة يحتوى على فندق وشقق فندقية انا كانت تجربتى مع الشقق الفندقية

أفضل الشقق الفندقية عن الفندق لان الشقق كلها ادوار مرتفعة من الدور 3 الى 22 

المنظر يكون أحلى للبحر اما الفندق الدور الاول فقط 

الشقة تحتوى على كل شىء من اثاث جيد جدا واجهزة كهربائية من ثلاجة ومايكرويف 

وتلفزيون lcd ودش والحمامات جميلة

فبها كل حاجة فوت والصابون وكل شىء وغرف النوم كوبسة تحتوى على حمام 

داخلى مجهز بكل شىء 

المنظر من الشقة أكثر من رائع يرى البحر والبسين 

تصميم منتجع بورتو سخنة


تصميم البيوت فى بورتو سخنة على شكل 3 أهرامات خوف وخفرع ومنقرع 

وجميعهم يرى البحر بشكل جيد ولكن أنصح الناس انها تحجز فى شقق خفرع وذلك 

لانها ترى البحر والمسابح بشكل جيد جدا 

حنتفرج مع بعض على الصور عشان تعرف الفرق بين شقق خوفو وخفرع 

دى شقق خوفو  

وكمان مقطع فيديو للفيو من الشقة 

  ودى صور لشقق خفرع ترى اكبر قدر من حمام السباحة

عشان كدة احسنلك شقق خفرع اما شقق خوفو ومنقرع يرى البحر بشكل اكبر 


المسابح يتم اضاءتها ليلا باضةاء ساحرة تجعل المنظر ليلا جميل جدا 

الشقة الفندقية عدد النزلاء المسموح لك 4 أفراد ولك 4 بطاقات للدخول لحمام 

السباحة  والبحر و لكل حامل بطاقة باشكير فى حمام السباحة والبحر...

 مطاعم بورتو السخنة porto sokhna restaurants

تشيليز

كوك دور

مطعم ستديو مصر

مطاعم جونى كارينوز 

مطعم حلقة السمك 

وفى كمان مطاعم بورتو سخنة خاصة بيهم دة غير هايبر ماركت المحمل 

انا شخصيا جربت مطعم ستوديو مصر هو كان الاكل ممتاز لكن اسعارة غالية شوية والى بيحب السمك لازم يروح مطعم حلقة السمك هو مكانة عند التلفريك فوق عشان تأكل السمك على اعلى قمة الجبل وتتفرج على البحر الساحر من فوق !!!!!!!!!

الانشطة الى ممكن نمارسها فى بورتو سخنة 

يوجد جميع الانشطة من البارسيلينج والبنانا بوت والجلاس بوت والدايفينج ونزهة

باليخت والتلفريك وكهف الملح !!!!!!!!

انا شخصية جربت البارسيلينج وكانت أول مرة بالنسبة ليا وهى جميلة جدا واحب 

أقول لكل واحد مجربهاش قبل كدة لازم يجرب لانها 

ممتعة جدا بتشوف بورتو سخنة بالكامل من فوق شعور جميل اووى اسعارها 

لو أنت لوحدك ب250 جنية 

لو اتنين مع بعض ب 350 جنية 

لو ثلاث اشخاص ب 450 جنية 

اهم شى ان يكون الوزن بحد أقصى 150 كيلو جرام 

وممكن كمان لو عاوز تصوير ب 150 جنية 

وزى ماعودناكم الصور خير دليل 

جميع الانشطة متاحة من السفارى و الجلاس بوت و الدايفينج وكل شىء أهم حاجة 

يكون عندك الشجاعة وتجرب الانشطة كلها !!!!!!!!!

بالنسبة بقى للشاطى 

عند دخول الشاطىء يتم الدخول بكارنية البحر وبتستلم الباشكير كمان عن طريقة 

الشاطى جميل جدا ونظيف فى خدمات كثيرة اولها تراسات للاستلقاء على ظهرك وفى 

كمان موسيقى جميلة على الشاطىء يتم تشغيلها

مياة بحر العين السخنة جميلة جدا وامنة ليست غريقة والجميل فى البحر انك ترى 

اسماك ملونة وجميلة بالاضافة الى نقاء الماء صافية تماما 

انصح الناس بشدة يحضروا معاهم نظارة بحر عشان تتفرج على الاسماك الجميلة دى 

فعلا اسماك تستحق التأمل فى خلق الله 

وفى خدمة جميلة يقدمها جروب بورتو سخنة أيضا


فريق العمل بيجيلك يطلب منك انك تلعب معاهم فولى بول وغيرها من الانشطة 

وبيعملوا عروض حلوة للاطفال كمان!!!!!!!!!!


بالنسبة بقى لحمامات السباحة 


حمامات السباحة فى بورتو سخنة نظيفة للغاية كل يوم يتم تنظيفها وتعقيمها وأنت حتشعر بذلك قبل ماتنزل يوجد اعماق حسب 
 الطول من 80 سم الى 150سم فأكثر ويوجد أيضا حمامات سباحة للاطفال 
وحمامات السباحة أكثر من واحد فى البورتو سخنة ونفس الكلام بتستلم الباشكير بتاعك وتجهز نفسك وتنط فى البسين وتنسى الدنيا 
وكمان فى حمام سباحة دافىء عشان الجو البارد فى الشتاء

 التلفريك 

من الاشياء المميزة والمختلفة فى بورتو سخنة هو التلفريك وعشان مفيش تلفريك فى مصر الا هناك التلفريك تجربة شيقة جدا لانك ترى مشاهد جميلة جدا للجبال والبحر وكذلك المدينة بأكملها ومن الممتع ايضا ان التلفريك ستصعد 

 عن طريقة  الى  أعلى قمة جبل هناك ويوجد فى تلك المنطقة مطعم حلقة السمك تناول السمك هناك لة طعم خاص لانك تأكلة فوق  قمة الجبل بالاضافة الى رؤية البحر وطبعا سمك البحر الاحمر معروف بجمالة وطعمة اللذيذ  نتكلم عن المطاعم المتوفرة هناك 
يوجد كثير من المطاعم مثل استديو مصر وكوك دور تشيلز و عيوش مطعم لبنانى فى تنوع فى المطاعم هناك ايضا كافيهات كثيرة جدا  الممتع فى الامر انك تأكل وتشرب على كراسى متأرجحة تعطيك مذاق مختلف عما كنت تأكل من قبل .

       ( كهف الملح )

          

من الاماكن الى لازم تجربها لو رحت بورتو سخنة لانها جميلة جدا هو مكان جميل وحلو أوووى للاسترخاء عشان كل الى عليك انك حتقعد على كرسى وتكون حافى القدمين عشان تضعها فى الملح ولان الكهف كلة متكون الملح وكمان فى انوار خافتة مع الموسيقى الهادئة فتجعل الحياة هناك جميلة يقال انه له فوائد صحية 

1 يفيد فى تنظيف الرئة من الشوائب 
2 يخلصك من الطاقة السلبية 
بغض النظر عن الكلام دة ولكن هو مكان جيد للاسترخاء على العموم جربوا مش حتخسروا حاجة 

7- فنادق قريبة  من العين السخنة 

swiss inn sokhna

movenpick el sokhna