بالصور تقرير عن سهل حشيش بالغردقة

منتجع سهل حشيش sahel hasheh

سهل حشيش منتجع ساحر للوهلة الاولى حتشعر انك مش عايش فى الدنيا بل فى عالم الاحلام والخيال عشان حتلاقى هناك كل حاجة نفسك فيها  من مياة البحر الاحمر الخلابة والشواطى الساحرة والاسماك والشعاب المرجانية عشان كدة حتلاقى اجانب كتير من كل انحاء العالم عشان يستمتعوا بمنتجع سهل حشيش 

*وطبعا قبل اى حاجة ازاى نروح سهل حشيش !!!!!!!!!

عشان تروح سهل حشيش لو أنت من القاهرة هى تقع على بعد 450 كيلو متر من القاهرة ودة طبعا عشان نوصل الغردقة 

المسافة بين الغردقة وسهل حشيش حوالى 18 كيلو متر يعنى حوالى نصف ساعة تقريبا 

سهل حشيش يتميز عن الغردقة برفاهية فنادقة حتلاقى هناك كل حاجة معمول حسابها عشان تستمتع برحلتك دة غير ان الاجواء والبحر وكمان الشواطىء ساحرة يمكن مش حتفرق كتير عن جزرر المالديف او غيرها من الجزر عشان كدة حنلاقى هناك الفنانين ومعظم المشاهير وكمان معظم الحفلات والبرامج بتقام هناك

هناك بقى ممكن نعمل يية 

طبعا فى انشطة هناك كتييييير ممكن نعملها عشان نستمتع بيومنا فى سهل حشيش 

ملحوظة : الشخص الاجنبى انا شخصيا بفضلة عن الشخص العربى عشان الاجنبى 

بيعمل كل حاجة نفسة فيها ومهما كان عمرة يعنى يمارس كل الانشطة من الدايفينج والبراسيلنج وغيرها عشان كدة بعد الويك اند بيرجع يركز فى شغلة انما العربى غالبا بيخاف يمارس معظم الانشطة دى عشان كدة انا بنصحكم انكوا تجربوا معظم الانشطة وتستمتعوا بالحياة 

هنرجع بقى لموضوعنا نعمل اية هناك !!!     

  

 *  لازم قبل ماتروح تختار الفندق بعناية عشان فى هناك فنادق كتير فعليك تبحث على   الانترنت وتشوف أفضل فندق بيقدم جميع الخدمات والانشطة عشان تحجز فية         وتستكنيص 

* لازم نستمتع بالبحر لانة بجد منظرة رووعة يعنى لازم ننزل البحر الصبح لان    البحر فى سهل حشيش يختلف عن الغردقة   والجونة حتلاقى اسماك غاية فى  الجمال سبحان الخالق وكمان بمجرد مشاهدتك للبحر حتكون فى غاية الانسجام والروقان.

* وممكن بعد كدة ننزل البسين الى فى الفندق عشان فى ناس مش بتحب البحر            أوووى حتلاقى هناك فى اى فندق أكثر من بسين   شوف العمق الى يناسبك وخد الغطس مستنى اية !!!!! وكمان بعض الفنادق بيكون بداخلها أكوا بارك متكامل 

* كدة بقى جة جزء المغامرات الى فى الموضوع حتلاقى هناك معظم الانشطة  بس   عشان كدة قلتلك حاول تختار فندق كويس يكون فية معظم الانشطة عشان فى فنادق    بتكتفى بالبحر والبسين فقط 

                        لازم تجرب نشاط الدايفينج  ( diving )

لان البحر فى سهل حشيش رهيب حتلاقى أسماك مش موجودة فى اى حتة فى العالم دة غير الشعاب المرجانية فمن المؤكد انك حتتطلع من رحلة الدايفينج واحد تانى 

وومكن نجرب السنوركلينج  (snorkeling)

لو أنت بتخاف من الدايفينج يبقى لازم على الاقل تعمل سنوركلينج لان الاسماك هناك بجد منظرها يخليك تعمل المغامرة دى وكمان السنوركلينج مش خطر خالص انت حتلبس لايف جاكيت وبتكون مع المدرب وبتتفرج على الاسماك من فوق بس الى عاوز طبعا يتفرج على الاسماك بشكل أدق وأكثر يبقى لازم يجرب الدايفينج 

وكمان لازم نجرب الباراسيلنج ( BARASELING)

شعور جميل انك تتفرج على المنظر من فوق فمابالك انك حتتفرج على سهل حشيش أكيد حتكون فى غاية السعادة وعاوز اشرحلكوا نقطة معينة ان معظم الانشطة دى أمنة لاتدعو للخوف مطلقا لانك بتكون لابس لايف جاكيت وكمان فى مدرب معاك طوال الرحلة فلازم تتجرأ وتجرب الباراسيلنج خلى قلبك جرء 

ممكن برضة نجرب الجلاس بوت (glass boat)

الجلاس بوت فى سهل حشيش حاجة تانية خالص عشان انت بتشوف اسماك غريبة وجميلة طبعا الجلاس بوت مش خطر تماما لان كل الى عاليك انك تكون قاعد فى المركب وتتفرج على السمك من فوق الزجاج انا بدأت معاك من الانشطة الاصعب الى الاسهل ولكن مفيش حاجة صعبة كلة جميل ولازم تجرب عشان تنبسط وتستكنيص من سهل حشيش

الفنادق فى سهل حشيش 

الفنادق فى سهل حشيش تختلف عن باقى الفنادق فى الغردقة لان فنادق سهل حشيش بتتمتع بمستوى رفاهية أفضل فبتكون التكلفة عالية شوية ولكن أكيد حتنبسط اووووى 

بس أهم حاجة انك تتدخل بنفسك وتتفرج على الفندق وصورة عبر الانترنت وشوف الى يعجبك أنت 

ودى قائمة بأفضل 5 فنادق فى سهل حشيش 

انا حكتب افضل 5 فنادق فى سهل حشيش من ناحية التقييم

                                                                                                                                                    التقييم

1- أوبرى سهل حشيش                        9.2            ممتاز           

2- البارون بالاس سهل حشيش               8.9            رائع

3- تروبيتل سهل حشيش                      8.3           جيد جدا 

4- سيتادل أزور سهل حشيش                7.9           جيد جدا

5- منتجع بيراميزا سهل حشيش             7.7             جيد   

مطاعم سهل حشيش 

يوجد العديد من المطاعم فى سهل حشيش 

1- مطاعم الاسماك 

* بلو مارلين 
طريق المطار داخل سيتادل أزور سهل حشيش

* كينج فيش 
داخل ديسول بيراميزا سهل حشيش بيتش ريزورت 

* ميرميد 
طريق الغردقة - سفاجا داخل فندق بريمير لو ربف 

2- مطاعم البيتزا 

* بيتزا كورنر 

طريق سهل حشيش داخل هيلتون الغردقة لونج بيتش ريزورت

3- مطاعم أكل صينى

* بان تاى 

داخل ديسول بيراميزا سهل حشيش بيتش ريزورت

* لاسيتاك 

كم 15 طريق سفاجا الغردقة داخل الباتروس بلاس ريزورت 

* ماندارين

طريق الغردقة سفاجا داخل فندق وسيا برييمير لو ربف سهل حشيش الغردقة 

4- مطعم اسيوى 

*بان تاى 

داخل ديسول بيراميزا سهل حشيش بيتش ريزورت 

"Sahel Hasheesh 2024, Sahel Hasheesh resort, Sahel Hasheesh vacation, Sahel Hasheesh hotels, Sahel Hasheesh beaches, luxury stays Sahel Hasheesh, Sahel Hasheesh activities, Red Sea resorts 2024, Sahel Hasheesh offers, Sahel Hasheesh travel, Sahel Hasheesh attractions, premium experience Sahel Hasheesh, Sahel Hasheesh booking, beachfront resort Sahel Hasheesh, top resorts 2024"