الباراسيلنج او الباراشوت تجربة شيقة لازم تجربها

الباراسيلنج Baraseling

حنتكلم انهاردة عن رحلة البارسيلنج هو نشاط جميل اووى لكن خلى قلبك جرىء وجربها لانك بعدها حتحس بشعور مختلف حتبقى مستكنيص اووى 

غالبا يتم ممارسة نشاط الباراسيلنج فى شواطىء مصر مثل (شرم الشيخ - العين السخنة - الغردقة ) دى احسن المناطق التى تقدم نشاط الباراسيلنج فى مصر 

      حنعمل ايية بقى عشان نركب الباراشوت  

* حنحجز تذكرة وغالبا بيكون فى الشاطى مكان لحجز التذاكر ولازم يكون الوزن 150 كيلو بحد أقصى يعنى ممكن فردين او 3 أفراد المهم يكون أجمالى الوزن لايتعدى 150 كيلو جرام

* بعد كدة حنركب مركب صغير من الشاطى وحيمشى بينا مسافة صغيرة 

* حننزل من المركب الصغير عشان نركب لانش وهنا المسئول حيعطى لك لايف جاكت life jacket

* بعد كدة ناخد نفس عميق وبعدها المسؤل حيلبسك الاقفال الامنة عشان يربطك بالباراشوت وبعدين ننطلق الى السماء 

* حيبدا تدريجيا فى الارتفاع طبعا المنظر من فوق حاجة تانية خالص حتلاقى كل حاجة من تحتك صغيرة جدا وكمان هدوء تام عشان تستمع وتستكنيص 

 على الرغم من صخب الشاطىء 

* احيانا السائق بيعمل لفات فى الهواء بسيطة بس دى بتكون حسب خبرة السائق 
ودى شوية صور للباراشوت 

الخلاصة : خلى قلبك جرىء ومتخفش وجربها بعد التجربة أنا متأكد حتبسط جدا